Skip to main content

Берий театр къахьегаш да

Дерригача Россе «Театр-берашта» яха кIира вай берашта лаьрхIача театро «Лоаман йIий денал» яха спектакль хьокхаш дIадихьар. ТIема шерашка моастагIий карах вахар хаьда вай къаман йоI Тутайнаькъан Идриса йоI Асият я спектакле ювцар.

БIарччача кIира хIара дийнахьа театр йиззий бераш хул. «Пушкински карт» яхача программе гIолла хьежаб цу спектаклега Назранерча №9 йолча ишколера бераш, Илдарха-ГIалий тIарча ишкола, Назранерча интерната дешархой.

Укх наькъа спектаклега хьажа театре даьхкад Шолжа-пхьерча дегIа могашал эшаеннача ишколера бераш. Укх бетта 25-ча дийнахьа, нийсса ши сахьат даьлча «Лоаман йIий денал» яхача спектаклега хьажа йиш йолаш ва моллагIа вар.