Коа тIарча оалхазарий дулхах даараш кийчдеш йолча «Южни» яхача моттига беркат дикка даржаш латт вай Россе. Болх дIаболабаь массехк шу мара деце а, москала дулхах даараш арахецаш йолча Россерча 20 моттигашта юкъе 8-гIа моттиг яьккхай цо.
ДIадахача шера 3,9 эзар тонн дулх арахийцад цига. «Болх боаггIача боараме дIахьош хуле, къахьегараш шоаш леладечох дикка кхеташ хуле, тIехдика дIагIоргда деррига. ХIанз арахецачул, шозза дукхагIа кхача арахеца лаьрхIа я из моттиг. Цу гIулакха комбикорман цех, оалхазараш леладе кхы а моттигаш хьаелла лерхI цига», — белгалду Мехкадас ший телеграм-канале.
Республикан кулгалхочо хьоахадир, мехка унахцIена даар лоаттадар, цу наькъ тIа дикка къахьегар тахан лоархIаме долга.
