Skip to main content

Бийсан бокъонаш телхаерашца, ГIалгIайче, уголовни гIулакх хьадийллад

Илдарха-ГIалий тIа, бокъонаш лораераша, ши саг хьалаьцар Iаьдала духьала а баьнна цхьоагIо телхаеш хиларах.

Бийсана, наджгамхой бетта, цхьайттлагIча дийнахьа, Осканова урамах, №2 йолча ишкола юхе, Iаьдала болхлоша ши саг хьалаьцар харцахьа лелаш, чIоаггIа цIогIа а детташ, бIеха мотт бувцаш хиларах.

Из доацаш а, наькъа лелача машенашта духьаленаш а еш, совца яха дош дIатIаэцаш бацар уж.

Хьа а лаьца хьачубоалабича, Iаьдала болхлошта духьаленаш а еш, царна кач баха а гIерташ, царгаш а етташ, во хьайзаб уж. Цу тайпара, Шолжа-пхье амбулаторе а баха, дарба де дезаш хилар Iаьдала болхлой.

Цу шиннена а административни протоколаш оттаяьй ч.1 ст.19.3 КоАП РФ, уж лаьрххIа, лаьца нах бохкача дIахьожабаьб.

Илдарха-ГIалий тIа гIолла йолча Лоткъама отдело, ГIалгIай Республике гIолла йолча РФ Лоткъама комитете, уголовни гIулакх дIадахьийтад.