Skip to main content

Бокъо йоацаш леладеча хIамашта никъ дIакъовла беза

Магаса мэр вола Овшанаькъан Iусмани, Горсовета кулгалхо вола Албаканаькъан Артури, шоашца Iаьдала болхлой болаш, арабаьлар, бокъо йоацаш пхье леладеча цхьацца хIамашта, тIахьожам бе аьнна. Ахкан ха хьакхаьчача, дуккхача наха, шоашта болча пайдан цхьацца моттигаш хьаел пхьешка.

Цу мугIарерча нахаца къамаьл деш, законах хила деззача бесса мара хIама доаржаде йиш йоацалгах, уж дIакхетабеш хилар Iаьдала болхлой. Iаьдала оагIорахьара бехк баккха йиш хургйоаццача тайпара, дIадахьа деза хIама хьаде воалачо ший гIулакх.

Ахкан денош хьакхаьчача геттара дукха хьаел уж тайпара моттигаш, хIаьта царна юкъера цхьаяраш кхерамзлен моттиг геттара лакха тIахьожам беш дIаяхьа езарех хул. Хьалхарча юхьанца, тахан, лораде дезараш бераш да. Из болх дIахо а дIахьоргболаш ба вай мехка. Бокъо йоацаш хьайийлача моттигий хьал, Iаьдало тесса дутаргдац.