Skip to main content

БПЛА аппарат вIашагIъеллай вай мехка

«ХIама хьадеш йола ГIалгIайче — 2022» яхача экономически форуме гулбеннарашта хьекхар, керда хьаяь промышленни хIамаш, юртбоахамера беркат, иштта кхыдараш. Эггара чIоагIагIа массане бIарг тIаэзараш, технически оагIонца кхелла хIамаш яр. Царех цаI беспилотни аппарата эшаш йола двигатель яр. Беспилотни аппарат кхоллара тIехьа, вай мехка къахьегача тоаба форуме хьекхар, Мержой Дауда хьаяь боккха лерхIам бола аьшк.

Белгалде деза, цу балха тIехьа, цо 1987-ча шера денза къахьегалга. 16 метр чулоацаш ткъам тохаш йола, БПЛА макетага хьожаш бар берригаш. Ди, бийса доацаш къахьийга яьяр из макет кагирхоша. Цар аьнначох, двигатель лоаладаьча аьшкаца тоае дIаяхьа езаш я, цул тIехьагIа хийцца хьажа йиш хургья цо болх мишта бу. Цу балхага хьежача Мехкдас Келматанаькъан Махьмуд-Iаьлас, цу хIаманцара болх дикагIа дIагIоргбар юкъе доаладе хьожаш хила аьлар, хьакимашка. Ше тIахьожам бергболаш теркаме лаьцар цо, къаьстта из болх.