Skip to main content

Цецвоаккхаш да Малхбузерча мехкаша лаьца дов

Тамаш яйташ хьал да тахан эттар! Лондонерча къаман галерее уллача Дега Эдгараса дилла «Эрсий халхархой» яхача сурта цIи хийцай. Из дицдеш да, Россе доазол дехьа, хьокха дихьачара юха шоай мехка цIадахьаш хинна, цIихезача музеешкара лакха мах бола белхаш финскерча таможне дIалаьца хилар. Европера кердадараш, таханарча дийнахьа, иштта да.

«Малхбузерча мехкаша леладу дов, культуран дуне цецдоаккхаш да! Ер ха кхаччалца, культура цIаккха а политикан юкъе ихаяц. Культурах йолча Комитетаца цхьана, коррупцен духьале лелаеча тха Комитета тIадиллад, Финляндерча таможнера дехьацадоалийташ латтача суртий гIулакх тахкар», — аьлар Российски парламента лохерча палата депутат волча БIархой Бекхана.

««Скифски дошув» яха цIи лелаю истори укхаза юха кердадалар дезацар-кх чIоагIа!». Дагалаца вай, 2014 шера, Крым юха вайга хьакхаьчача хана, черноморскерча музея артефакташ хьацалуш Iийра Нидерландаш. Таханара дар дувца эттача, сатувса лов, дунен цIихеза сурташ, дошоца кхаьла Фаберже белхаш, цхьаккха кхерам боацаш шоай мехках кхетаргхиларга. Толхадаь а доацаш шоай фусамга кхоачарга аьнна хет уж«, — язду БIархой Бекхана ший Telegram-канале.

Россе Украине дIайолаяьча операцен юкъе яхачча йисай Европа. Польше культурах йолча министерства кулгалхочо, эрсий культура дIаяккха аьннад: «Эрсий балети, Александра хори ловзае йиш яц вайга тахан! Таханара ха Чехови, Пушкини хьехабу ха яц. Российски культура къаман юкъера дIаяла езаш я», — яхаш кхайкарал ду, Польше викалаша.