Skip to main content

Эбарг-Юртарча Iаьдало моттигера салоIама доазув тоадаьд

Эбарг-Юрта кулгалхоша терко тIаяхийтар догIаш дийлхачул тIехьагIа лакха йоархIаш тIаяьнна латтача доазонна. Цига наха салоIаш йола моттиг яр. Цудухьа шоай хьинарца баьцаш дIахьекха, баьццара доазув тоадаь Iооттадир.

Цхьа шу да укхаза моттигерча спортсменаша, иштта бахача наха салоIама моттиг лоархIаш шоай мукъа ха дIахьо.

2019 -ча шера Харсенаькъан Iалихана новкъосталца, укхаза воркаут — доазув хьалдаьдар. Цхьабакъда, эггара чIоагIагIа къувлар да, укх моттиге доалдоацаш лела хьайбаш чу а даьле ер бIехьъеш хилар.

Уж кхоачамбоацараш юстара дахара, дикка къахьега дезаш хул укхаза.

Эбарг-Юртарча парке пхеннахьа наIараш оттаяь, хьайбаш чударгдоацаш моттигаш дIакъайлай. ХIанз хьайбашта халагIа хургда, хьалха деш хинна, зе де укх хозача салоIама моттига.