Skip to main content

ЦIи йоаяра говзал лакхъеш йола кийчо, дIайихьар Магасе

ЦIи йоаярах болча №9 йолча кхуврча болхлой, цу гIулакха, шоай кийчо миштай гойташ хилар Магасе. Из болх цар дIабихьар, наркотикашта духьала тIом лоаттабеча кхуврча коа. Кечам дIабихьар ший лаьрхIа оттаяьча сценарех. ЦIи яьнна, оарц дехаш бола хоам цу кхуврчера бар. Йоккха юкъ ялалехьа, хатар хиннача меттиге хьакхаьчача цIийоаераша, шоай болх кадай дIаболабир. Кхерамзле йоацача моттигашка дIагулбир болхлой, цIи кхы дIахо дIа-хьа ца яржийташ дIайоайир.

МЧСе болх беш болча Тиймарзанаькъан Яхььяс яхачох, из тайпара кечама болх цу даькъ тIарча болхлошта геттара эшаш ба. Цкъалета, цу кхуврча кхерамзлен хьал довзаргда царна, шозлагIлета, шоай белхацара говзал лакхъе аьттув хул цар. ЦIи яьнна доккха хатар ийккхача, цхьа барт-бувзам болаш шоай болх лакхача боараме чакхбаккха Iомабу уж, иштта дIакхухьача кечама белхаша.