Skip to main content

Дагалоацам а лерхIам а бар

Из ма дарра лора а деш, тIехь тIабоагIача ноахалга кхачийтар вай декхар да.

Кхаьрача дийнахьа ГIажарий-юрта, Эбарг-юрта, Галашка, Шолжа районе «Коталон Диктант» яха Ерригача Россе дешара-патриотически акци дIайихьар.

Сийлахь — Даймехка тIема истори шоашта мишта хов хьажара акце очно дакъа лаьцар Шолжа района кулгалхочун гIонча волча ЦIечой Беслана, Шолжа района депутатий Совета кулгалхочо Йовлой Мухьмада, юрта администрацей кулгалхоша. ВПП «Единая Россия» викалаша, дешара, культура, спорта болхлоша.

"Мероприяте мах оттабаь саг варгвац: вайх хIаранена ха деза цу тIем тIа латаш моастагIа эшавеш хиннараш вай даьй, гаргара нах хинналга.

Из кхетам тIехьенгара -тIехьенга а кхоачаш, ма барра дIабала безар вай да. Цудухьа тахан вай хIаране таро я 1941-1945 шерашка лаьтта тIема сурт диц ца деш довзаш хилар«,- аьлар района кулгалхочунна гIонча волча ЦIечой Беслана.

«Коталон диктант»- патриотически акци я, из бахархой исторе оагIув йовзара, чIоагъяра тIахьехаш я.

Из хьалхадаьккхар «Единая Россия» яхача Ерригача Россе политически парти я.

Эггара хьалха цу тайпара акци дIайихьар 2019- ча шера.

«Коталон Диктант» яхача акцеца цхьана Шолжа районе «Георгиевская ленточка» яха акци дIайихьар. Из акци хетаю Сийлахь-Даймехка тIем тIа шоай са ца кходеш латаш хиннарашта.

Цу акце хьалхарчарца дакъалоацаш хилар ГIажарий-юрт, Культура цIагIа дIайихьар мероприяти.

Иштта дакъа лаьцарех ба ГIажарий —юрта администраце кулгалхо Чакиев Осман, Культура цIен, библиотека болхлой, ГIажарий-юрта № I йолча СОШ дешархой.

Цул совгIа «Георгиевская ленточка» яхача Ерригача Россе акце дакъа лаьцар Эбарг-юртарча, Галашкарча культура цIен болхлоша.