Skip to main content

Дола-Коа берий беш хьалъеш латт

МагIалбика района администраце кулгалхо Долтмарзанаькъан Хьамзат, Дола-Коарча администраце кулгалхочунца Узенаькъан Асхьабаца, берий беша кулгалхочун декхараш кхоачашдеш йолча Узенаькъан Заирайца цхьана ваха хилар «Демография» яхача къаман проектах, 220 моттига лаьрхIа, шозза вIаштаръяь берий беш хьалъеча моттиге хьажа.

ХIанз, укх сахьте, укхаза дIахьош да гIишлон балхаш.

— Деша даха ха йоацача берашта лаьрхIа дика хьалаш хилийтар, президента вайна хьалхашка оттаду декхар да, из тхоай моттигашка оаха дика кхоачаш а ду, — аьлар Долтмарзанаькъан Хьамзата. «Демография» яха къаман проект бахьан долаш, тха районе керда берий гIишлош, ишколаш хьалъеш дукха болх ба дIахьош.

Кастлуш, АллахIа пурамца, царна IотIакхетаргья балха болча кхалнаха дукхагIа эшаш йола йоккха йоаца гIишло.