Skip to main content

«Дошув» а «дотув» а даьккхар, лоIамерча латаре, гIалгIай спортсменаша Соче.

Укх деношка, Соче дIайихьар Ерригроссе лоIамерча латарах йола яхьаш.

Яхьашка дакъалоацараш бар, спортивни латарах йолча моттигерча Федераце президента, Татулян Рубена призах дола совгIаташ доахаш.

Берригаш а, яхьашка дакъалоацаш хиннараш, 200 саг вар.

ЛоIамера латар гойташ, ГIалгIай мехкара 92 кг. дозал дола, «Кушт» клуба спортсменаш бар. Цар, уж яхьаш сийдолаш дIайихьар. Вай спортсменашка ши совгIат кхаьчар.

Турнира «Дошув», 92 кг. дозал долча, Гаьгенаькъан Адама даьккхар.

Дото майдилг 74 кг. дозал долча Цокъанаькъан Iаьла кхаьчар.