Skip to main content

Из гIулакх тоаде деза ха тIехъяьннай

«Единая Россия» партена бакъахьа хет мах боацаш цIагIа газ дIахоттар

Эксперты указывают, что тарифы на подключение населения к газовым сетям продолжают расти

Вай мехка цу тайпара болх дIабахьара 24 эзар сом а кхы лакхагIа а мах ба. Газови служба викалаша яхачох, из цIенош мел гаьна дагIа хьажжа хул, цул совгIа, цIенош доккхий дале а хул мах лакхагIа. ХIана аьлча, цу цIенга дIагIоргйолча газага хьажже хул из.

Хьалхадоаккх, доалахьарча цIенна газ дIатассара юкъеяргья яьха керда формула хIанз а йоацаш йолга, цIеношта газ дIатассара мах IотIакхийтта мара, тIера боалаш бац. Иштта турбаш Iояхкара болх 20I9-ча шерагара 2021-ча шерага кхоачаш, Общероссийски халкъа фронто яхачох, 28.5% тIакхийттаб. Цхьацца йолча республикашка шозза дукхагIа а.

Из гIулакх тоаде дезаш дола ха тIехъяьнний.

«Единая Россия» яхача парте РФ Президентага Путин Владимирага ала лерхI паччахьа чотагIа наха газ дIатоссаш дола балхаш хилийтар.

Цунах хоам бир парте генеральни секретара декхараш кхоачашдеш волча Кобылкин Дмитре ше Тверской областе ерача дийнахьа вахача, — йоах ТАСС. «Оаха кхайкарал дергда кулгалхочунга из декхар кхоачашде аьнна», — аьлар цо.

«Газ дIатассара болх сага аттача боккхаргбола никъ лаха беза, цул совгIа из Iаьдала чотагIа хила а деза», — аьлар Кобылкина яхаш хоам бу пресс-службо.

Пресс-службе белгалдир, хIанз цIеношка газ дIачутассара балхаш массехк бIаь эзар сома маьха хилар, из наха чIоагIа Iаткъаш да.

Цу вIашагIкхетаре дакъалоацаш хиннача Тверской областа губернатор волча Руденя Игора белгалдир, таханарча дийнахьа газови турбан пхи метр дӏахо латтача цIенна газ дIачуйиларах 150 эзар сом доаккх аьнна. Цу чу боагIа газови оборудованех бола мах а. Цунга дIабода мах кIезиг-дукха моттигерча бюджетах меттаоттабу. «Тахан вайна гуш да бахача наьха а шоай доалахьа хIама хьадеш боахкарий а мел чIоагIа уж балхаш де дезаш латт, бакъда, таро ца хиларах из вIаштIехьдалац. Областа правительствас шоай оагIорахьа субсидеш лу цу гIулакха лаьрхIа 30 эзар», — аьлар Руденя.

Цу маьха хьош хила беза Россе регионашка турбай а лотор дара болча балха а мах. Шоаш йоаеча газах наха мах дIалу тIехьа тIайоагIа аргIах, йоагаяьча газага хьежжа. ХIанаб цун мах селлара лакха, ховш дац цхьаннена а.