Вай эггара чIоагIагIа доаккхал дераш, дега хьамсара хетараш, бочадараш бераш да. Вай воашта могар ду уж дегагIозале йолаш, могаш долаш хьалкхедара, хIана аьлча вай кхоане я уж.
ХIанз эггара бераш ишколашкара чухийца, салоIа ха а я, ахкан замалахьа нийслу дунен халкъашта юкъера берий ди а.
«Цу денца дувзадаь цIай хилар Инаркъе, берий беш хьаелларца. Цига дакъа лоацаш вар ГIалгIай Республикан кулгалхо Келаматанаькъан Махьмуд-Iаьла, Халкъа Гуллама вице-спикер Хьаьшанаькъан Аза, ГIалгIай Республикан паччахьалкхен кулгалхо Сластенин Владимир, Iилман а дешара а министр Боканаькъан Аьсет. Хоза кIайча дувхарашца кийчдаь, хьаьшашта хьалхашка халхараш деш, иллеш оалаш дар бераш. Ди тIехьагIа дукхагIа хулаш йоагIа вай мехка, деша даха ха йоацача берий фусамаш. Из да вай Iаьдало цу деша даим терко лоаттаеш хилар», — йоах Халкъа Гуллама зарбан болх лелабераша хьабайтача хоамо.
