Skip to main content

Экажкъонгий-Юрта эггара боккхагIа бола гув ба

Экажкъонгий-Юртара лоархIам

Укх дунен тIа мел йолча юрташкара хьал вай хьаийцача, гуш хургъя хIара юртара цхьацца белгало. Из иштта да. Бакъда, наха йовзаш я уж е башха теркал ца еш я уж, укх дунен тIара белгалонаш.

Масала, Экажкъонгий —Юрта ший тайпара лоархIаме хьал да, укх юрта цкъа мукъах хинначунна вIалла дицлургдоаца сурт да из. Из тамашийна моттиг ерригача юртал лакхагIа я, масса оагIорахьара гуш а я. ХIаьта, цу гув тIа хьалтIаваьлча, Экажкъонгий-Юрт, ше ма ярра, тIаьръюкъе уллаш санна бIаргагу.

Хетаргахьа, цо тIаозаш хиннаб укхаза моттигера кегий нах, дукхагIча хана го йиш я цу лакхача гув тIа яьха латта машенаш, цига салоIаш йола моттиг а хул. Оалаш хиннад, сигаларча оалхазаро санна, цу лакхерча гув тIара кегийча наха шоашта нускалаш хоржаш ха йоагIа аьле, цхьаькха а да оалаш, цигара гуш хиннад шоаш саг волча хьоашалгIа вахале, уж нах цIагIа бий е бац. Цу тайпара хоза вIашагIкхетараш а дIахьош хиннад. Лаккхача гув тIа латта шоай новкъост бIаргавайча цига тIаболхаш хиннаб вожаш а.

Цу тайпара белгалбоалаш ба Экажкъонгий-Юртара гув. СССР хана оалаш хиннад Экажкъонгий-Юрт СССР(а ) доазон тIа эггара йоаккхагIа я, аьле. Тешаций шо? ТIаккха дIахатта истори дика довзачарга. Цо «гуглашка» санна доацаш, дувцаргда шоана истори. «Гугл» мара хIама ца гураш, шоай диванал лакхагIа кхы хIама дайна бац. Джигиташа йоах лакхаленаш.