Skip to main content

Экологен гIулакх лорадар, вайх хIаранега кхоачаш декхар да

Вай республикерча экологаша массе хана хьалхадоахаш латташ да, эгологен гIулакх лорадеш дахар, вайх хIаранега кхоачаш, лоархIаме декхар да яхаш. «Российски экологически оператор» яхача кампане, цу гIулакха кхайкарал деш дола плакаташ кийчдаьд. ХIара сага хьалхадоаккх, ший мехка, ше вахача региона экологен хьал, хIаране кара долга.

Хьахьокх, кхаьч-кхаьчача нувхаш Iокхувсаш, гонахьара хоза Iалам лорацадаро шийна тIехьа мелла ийрча хIамаш дахь. Из гIулакх цхьаккха лерхIам боацаш леладеча наха, Дала деннача беркатеча Iалама дер доккха зе да! Из хьал лерттIача лоаттаде гIерташ, къахьег тахан вай регионе. «Баьццара экономика» яха федераьни партийни проект йоаржаяра тIехьа, кхетаче дIайихьар, укх деношка, Парламенте.

Цу оагIон тIара хьал тоадергдараш, экологен зе хургдараш юстарадахарах дийцар вIашагIкхетаре. Из иштта лоаттаде гIерташ дукха субботникаш дIакхухь мехка, йоаржаю тайп-тайпара акцеш. Эксперташа яхачох, лакхача хьале экономика лоаттаяра тIехьа эггара керттерадар да, кхувш латтача тIехьен из массе хана дIахьалхадахар, иштта наха юкъе из гIулакх мелцадолийташ доаржадар.