Skip to main content

Элистерча «Ураланаца» вай «Ангушт» ловзаш дIайихьача матче вай команда ийшар

ТIехьарча хана футболах дола ловзар дувцаш, вай дукханеша сатувсар, иштта, кхы ца эшаш дIахо гIоргъйий-хьогI вай «Ангушт» команда яхаш, бакъда укх наькъа котало йихьар вайгара.

Элистерча «Уралана» ЮФО-СКФО даькъа тIа кхоалагIча лиге хьалхале дIахьош Элистера «Уралан» котъяьлар вай «Ангушт» командал. ВIашагIкхетар дIадихьар Элистерча стадионе, йисте а даьлар чот 1:0 йолаш.

«Ингфутбол.ру» беча хоамах, вIашагIкхетар йистедоалаш, ловзаш 77 минот йодача хана Мархенов Эрдне, тасса, бургац гаьнарча лакхерча миIинге чуяьккхар.

«Ингфутбол. ру» коментатораша хьалхадоаккх, цунга хьежжа доацаш «Ангушт» чемпионата хьалхарчарна юкъе я. Прохладнера «Энергетик» ийшар Ростоверча «Нахичавань» командаца ловзаш, чот 1:2 йолаш. «Уралана» сезонах йиълагIа котало йоаккх, 14 очко йолаш, турнирни таблица тIа йиълагIча моттиге а латт.

АргIанарча вIашагIкхетаре, кIимарса бетта 20 ча дийнахьа, «Ангушт» — «Астрахань» шоайла ловзаш хургья вай футбольни даькъа тIа.