Skip to main content

Ерригача Россен «Партитура» яхача конкурсе, дакъа лаца бийхаб гIалгIай къона композитораш

Шоаш дIабовзийта аьттув нийсъбеннаб, вай къонача композиторашта. «Керда классикаш» яхача къамашта юкъерча фонда чуйоагIаш йолча «Партитура» ерригача Россен конкурсе шоай начIал дIахьокха тIабийхаб гIалгIай композитораш.

Цу йоккхача конкурсе дакъа лаца безам барий каьхаташ, тов бетта 30-ча денга кхаччалца дIаийдергда. Мехка цIихеза говзанчаш хургба къоастам бераш. Жюри багIачарна юкъе —Москве, Чайковске цIерах йолча консерваторера ректор Соколов Александр; дирижер, артист Бешмета Юрий; композитор, филармоне исбахьален совета кулгалхо Дунаевски Максим; саксофонист Бутман Игорь; Россе композиторий союза хьалхле лелаю Рыбников Алексей; Москверча симфонически оркестра дирижер Коган Павел.

Белгалбаьннарашта дала лаьрхIад 200 бIаь эзар сом ахча. Из йоккха конкурс дIаяха гIо дер я Президента грантий фонд.