Skip to main content

Эрсий Пасахь оала цIай хьатIадоагIаш, кашамашка лостам баьб

Пасахь оала цIай дIадахьа лерхI

ГIалгIай мехка бахача кераста ди болчара а, кхыча динах болча наха а берригача мехка гIолла санна, Пасахь оала цIай дIадахьа лерхI.

Карарча шера эрсий керттерча цIайх цаI лоархIаш дола Пасахьа ди 2 -ча мае кхоачаш хул.

Цунна керттера Iадат да бейнарий кашамашка вахар, шоай гаргарча наьха кашамех бIарг тохар.

Из цIай хьатIадоагIаш Шолжа района юрта администраце, тайп-тайпарча къамий викалаш дукхагIа бахача, иштта эрсий къаман нах бахача моттигашка лостам бир.

Эбарг-юрта кулгалхоша яхачох кашамашта тIабода никъ жагIа тесса нийсбаь, сага Iоха йиш хургйолаш гIандаш а оттадаь, царна басар хьакхар.

ГIажарий-юрта кашамашта тIабода никъ цIенбир гонахьара нувхаш дIайоахаш, йокъаенна гаьнаш дIатедаш, буц дIахьокхаш.

Цу юкъе дакъа лоацаш хилар юрта администрацей кулгалхой, моттигера бахархой.

Пасахь оала цIай бIаьшерашка денз хьадоагIаш а кераста наьха керттерча денах цаI лоархIаш а да, церкверча календарага хьежача.