Skip to main content

Эса тIа ергйолча водозаборо, хицара кхоачамбоацараш юстарадоахаргда

Аьлте-Юртеи Эса тIеи ергйолча водозабораша, мехка хица дувзаденна латта, дукха кхоачамбоацараш юстардоахаргда. Из хоам тха газетага бу, Шолжа-пхьерча администраце. Аьлте-Юртарча водозаборе е лерхI, хий цIенду станци.

«ЦIена хий» яхача, федеральни проекта юкъе бода, из беркате болх 750 эзар сом ахча дIалоацаш ба. Болх таханарча дийнахьа, дIаболабаь ба. «Эса тIа ергйолча водозабора низ 100 эзар куб. м дийнахьа хургба. 6,109 млрд сом дIалоацаш бола из болх, «Къилбаседа-Кавказа хьал тоадара» йолча паччахьалкхен программа юкъе чубодаш ба. Цу гIулакха эша ахча хьахьожадаь латташ да», — аьлар пхьерча администраце.

Цу гIулакха болча говзанчаша яхачох, турбаш телха хиларах дукха хий довш латт республике. Хьадоаккхача хих, 30% наха дIакхачац. Хицара кхоачамбоацараш, ма хулла, сихагIа юстарадаха дезаш да. Хувцамаш эша моттигаш, таханарча дийнахьа, дукха я. Федеральни программаша деча новкъосталах, дукха кхоачамбоацараш юстардаха аьттув хургба.