Аьтинга беттагара маьцхали беттага кхаччалца, «Северсталь» яхача компане Карелера ГIалгIайче хьа а юха а миха кема леларгдола никъ хьабийллаб. Хьалхара рейс ялхлагIча аьтинга бетта хургья, аьнна, хоам бир ГIалгIай Республикан паччахьалкхен зарбан болх лелабераша.
Петрозаводскера миха кема арадаргда аьтинга бетта бархIлагIча дийнахьа 8 сахьат 15 минот яьлча, хIаьта Осканаькъан Сулумбика цIерагIча «Магас» аэропорте из Iодоссаргда 12 сахьат 10 минот яьлча. Цу дийнахьа 13.00 сахьат даьлча юха а гIоргда из. Кареле аэропорте из хургда 16 сахьат 55 минот яьлча.
«Кердача наькъ тIа миха кема леларгда кIира цкъа, ерача дийнахьа», — аьлар ГIалгIай паччахьалкхене.
