Skip to main content

Фермерашта юкъе яхь хургья

Шоай болх дIаболабеш болча фермерашта юкъе яхьаш дIахьоргья вай республике.

Доалахьарча боахама гIулакх тоаде дагахьа царна ахча дала лерхI.Юртбоахаме къахьега лаьрхIа болча фермерий оагIув хьаллаца 93 млн сом хьожадергда. Гранташ кхоачаргьяраш хоржаргба яхьашка гIолла.

Цига дакъа лаца безам бараша эшаш дола каьхаташ дIачудала деза .  Аьттув баьннараша шоашта кхаьча ахча дохкаргда лаьттан чIегилг эцаш, болх бе эшаш йолча машенах, хьайбаш эцаш, иштта кхыдолча гIулакхашта.