Skip to main content

ДоттагIал котдаьлар

Фотболах йола яхьаш дIайихьар РФ Федеральни Собранеи ГIалгIайченеи командашта юкъе

Тахан, Федераце Совете, тIеххьара ГIалгIайчен ди да.

Спортивни яхьаш юкъе ца йоахаш а диссанзар уж денош. Селхан, «Сокол» яхача москверча стадионе дIайихьар футболахи, кхалнаьха волейболахи йола Россе Федеральни Собране лакхерча палатеи, ГIалгIайченеи командай яхьаш. Шоайла барт-безам эцача кепара, ловзаш хилар цу командай доакъашхой. Цу тайпара мах хоадабир Федераце Советаи, ГIалгIайчени командашта юкъе хиннача спортивни ловзара, цига дакъалоацаш хиннача ГIалгIайчен спорта министра Дошхьакълой Iаьлас.

Футболахи, кхалнаьха волейболахи йолча гIалгIай командашка дакъалоацаш бар, моттигерча спорта федераце викалаш, спортсменаш, студенташ; ГIалгIай Республика Гуллама (Парламента) депутаташ- Дарсиганаькъан Мухьмад, Дзортанаькъан Абукар, Йовлой Мухажар, ГIалгIай Республика спорта министерства аппарата болхлой.