Наьсаре тушола (март) бетта 30-ча дийнахьа дӀайолалу «Дошо аьрзи» яха II-гӀа Халкъашта юкъера дукхача оаг1онех латташ йола фестиваль-яхь. Из хургья, бекарга (апрель) бетта кхоалагӀча денга кхаччалца.
Кхоллама тоабай, солистий, ансамблий Россерча еррига жанраш йовзийтача наха т1абахка кхы а ха я, уж кхоабергба фестивале дакъа лацара шоай дехараш д1ачудала.
«Фестиваль дӀахьоргья ГӀалгӀай Республикан культуран Министерствон гӀонца, иштта цига дакъа лоацаш хургья «Наьсарен округ» оалача даькъ тӀара администраци, «Г1алг1айче» яха ГТРК, «ГӀалгӀайче» яха къаман телерадиокомпани, кхыяраш а.
«Дошо аьрзи» яха Халкъашта юкъера дукхача бе-беча тайпай фестиваль-яхь т1ахьехаш я ерригача искусствон керда наькъаш лахара: ашарий, хореографе, иллей, театральни балха, исбахьален, кхыдараш», — аьлар «Сердало» газетага ГӀалгӀайчен культуран Министерствон зарбан болх лелабераша.
