Ставрополе йистеяьлар Россен Къулбехье дахача халкъий ХӀV культуран фестиваль, цига шерра гойтар ГӀалгӀайчен культура, искусство. Массане безам тӀабодаш дар «ГӀалгӀайче» яхача Паччахьалкхен ансамбло гойта халхар, иштта республикан цӀихезача вокалисташта карагӀдаьннар. Иштта укхаза спортсменаша гойтар, шоаш спорта даькъ тӀа даьха толамаш.
«Цу тайпарча кхетаченаша таро лу къаман спорт, культура, Ӏадаташ лораде, Россе Къулбехьен даькъ тӀа дахача къамашта юкъера, иштта лоалаха дахача халкъашцара доттагӀал чӀоагӀде», — аьлар «Сердало» газетага ГӀалгӀайчен культуран министра гӀончас Малсаганаькъан Хьажбикара.
Фестивале дика тӀаийцар вай къаманна деза хӀамаш, уж довза безам болаш баьхкараша лакха мах оттабир. Вай республико цу йоккхача культуран кхетаче гойтар истинг оалаш дола кӀувсаш, къаман даар, кхыйола къаман белгалонаш. Россе 19 моттигера баьхкача хьаьшашта уж дӀагойта таро хилар.
Шоай болх цига дӀахьокха оттабаьбар республикан мехктохкама, исбахьален искусствай музеяшкарча болхлоша.
Вай республикан цӀихезача говзанчаша кӀувсаш дир, иштта пхьоаллен болх гойташ йола говзанч-класс елар.
