Skip to main content

«Газпрома» болхлой хилар вай мехка

Цхьана дIахьоргболча балха протокол оттадир республикан кулгалхоша «Газпрома» болхлошца.

«Моттигерча паччахьалкхенна тIадиллад, газах хьаIайна дебиторски оала декхар дIале, аьнна. Йоккхача балха моттигашка йоагаеча газах хьагулденна ахча да из. 100% кхоачаш дIакъовла деза газах дола декхар», — белгалду Мехкадас ший телеграм-канале.

Газ чуйиллар а цул хьалха ду балхаш а чулоацаш, Iаьдало оттаяьча программашка гIолла шоай цIеношка газ чуюллача юрташкарча бахархошта гIо де деза, аьнна, дийцар.

Шахьарерча хьакимашта тIадиллад, газацара гIулакх тоадара, нийсдара цу гIулакха йолча организацен болхлошка кхайка безилга наха хьалхадаккхар. Наха ха деза, газацара болх цу гIулакха болча лаьрххIача болхлоша дIакхахьа безилга.

«Газпром» ПАО болхлошта, цар моттигашкарча къахьегамхошта баркал ала лов сона, вай проекташ хьаллоацаш, уж йоаржае гIо деш хиларах. Цхьана болх дIахьош, цу даькъ тIарча говзанчаша юкъедоаладе деза аьнна белгалдаьр хьаэцаш, болх дIахьоргба вай», — аьлар вай Мехкадас Келаматанаькъан Махьмуд-Iаьлас.