Skip to main content

ГIалгIаче гIолла йолча МВД, ФСБ болхлошта гучадаьлар социальни мазашка гIолла терроризм бакъ еш хилар

ГIалгIай Республике гIолла йолча МВД ВОГ, ГIалгIай Республике гIолла йолча МВД экстремизма духьала къовсам лоаттабара Юкъарлон болхлоша, тохкама болх дIахьош гучадаьккхар, 2020 шера, вахархочо ший лаьрххIача социальни сетей оагIон тIа, терроризм бакъ еш хилар Iочуоттадаьлга.

Цунах хоам бир «Сердало» газетага республика бокъонаш лораяра боахама пресс-службе.

Из бахьан долаш, цу гIулакха бехктокхаме йолча Iаьдала органаша, къайла а ца хьош, ма-дарра, терроризм бакъ еш хилара, цу сага духьала РФ Уголони кодексо дIадеххача бесса, уголовни гIулакх хьадийллад, террористически болх дIабахьара, из бакъ еш хилара тIахьеш из саг хиларах.

Вайна ма-харра, даима терроризма духьала къовсам лоаттабара, ГIалгIай Республика дукхача дешара кхуврчашка, деша багIача кагийбарашца дIахьош ба лаьрххIа бола болх. ГIалгIай Республика къамий политиках, бувзамах йолча Министерства болхлоша цу тайпара болх ца хаддаш вIашагIболл, вай кхувш йоагIача тIехьенна, цу хьакъе кхетам балара, уж харцахьча наькъа тIа ца балийтара.