Skip to main content

ГIалгIай боксераша СКФО Чемпионате команда юкъара шоллагIа моттиг яьккхар

Шолжа-гIалий тIа дIайихьар Къилбаседа-Кавказа федеральни даькъа тIара боксах йола маIача наха юкъера Чемпионат.

Ерригача СКФО гIолла 70 спортсмен вар турнире дакъалоацаш, тайп-тайпарча дозалах.

Спорта министерства пресс-служба яхачох, 75 кг дозал дарашта юкъе Пхьиленаькъан Мовсар котваьлар. Дото майдалгаш елар Коазой Аюпа (81 кг), Султыганаькъан Iумара (91 кг). Геза совгIаташ делар Исмейланаькъан Хизара (56 кг), Дибаранаькъан ИбрахIама (69), Аьлтемаранаькъан Илеза (+91кг), Аькхенаькъан Ахьмада (81кг), Тоаркхой ИбрахIама (64 кг).

Спортсменашта кулгалдеш ва Дзовранаькъан Мухьмад, Дарсиганаькъан Або, Местой Макшарип, Шоанахой Беслан, Жандаранаькъан Малика, Малсаганаькъан Гирихан, Пхьогоранаькъан Мухьмад.

СКФО Чемпионат дIаяхьара бахьан дар, карарча шера, кIимарса бетта 25-ча дийнахьа денз, аьтинга бетта 3-ча денга кхаччалца, Россе Чемпионате гIоргвар белгалваккхар.