Skip to main content

ГIалгIай дзюдоисташ шинна турнире котбаьлар

Укх деношка Челябинске йистеяьлар «Веричев Григоре» дагалоаттама дIахьош хинна Россе дзюдо Федераце совгIатех йола халкъашта юкъера турнир. Укх шера яхьаш дIайихьар лакхача боарам тIа: царна профессиональни сере мугIарера Russian Judo Tour цIи ялар. Турнир дIайихьар Россе дзюдо Федераце 50 шу дизара дездеш хиларца дувзаденна.

Яхьашка дакъалоацаш хилар Российски Федераце чIоагIагIа бола спортсменаш, иштта цига дакъалаьцар Индера, Узбекистанера, Монголера, Израилера, Таджикистанера, Берлоруссера баьхкача спортсменаша.

Яхьашка дакълоацаш хиннача гIалгIай дзюдоиста ЦIечой Iалихана цу турнире геза совгIат даьккхар. Из 90 кг дозал долаш латаш вар.

Иштта котало яьккхар кхыча вай спортсмена 90 кг дозал долаш волча Булгачанаькъан Мувсас, из хилар 21 шу даьннарашта юкъе дIахьош хиннача Россе Хьалхленна геза призер. Яхьаш дIайихьар Красноярске.