ГIалгIай къаман культуран сайре дIайихьар Москвера массазара вай викалаш болча фусаме. «Гулбеннача хьаьшашта юкъе бар, ерригача Россе къамашта юкъерча кагирхой союза кулгал деш вола Хуртаев Кантемир, республикерча ветераний союза хьалха латта Гелисханаькъан Мухьмад.
Кхоллама сайре, берригаш раьза болаш, хоза дIаяхар. Гулбеннарашта гойтар ГIалгIайчен моттигаш, цун дIаьхий дола истори довзийтар. Цул тIехьагIа «ГIалгIайче» яха кино хьекхар гулбеннарашта. Цул совгIа, цига хьокха оттадаьдар къаман тайп-тайпара даараш, тхьовра денз гIалгIаша лелабаь тIабувхабу гIирс. «Барт бола Москва» яхача, къамашта юкъера бувзамаш чIоагIдара тIехьа кхеллача программага гIолла дIахьош бар из болх», - дийцар тхога массазарча вай мехкарча викалаша. ГIалгIай къаман культуран хетаяьча кхетаче дакъа лоацаш хилар 40 совгIа бе-беча къамааех бола нах.
Москверча мэре болхлоша гIо деш, дIадихьар из вIашагIкхетар.
