Skip to main content

ГIалгIай мехко, бувзам чIоагIбергба Белоруссеца

Мински облисполкома кулгалхочун гIонча волча Курленко Дениса, кхетаче дIайихьар, ГIалгIайчен Правительства кулгалхочун гIончанца, Фурсов Олегаца. Кхетаче дийцар шин республика юкъе юртбоахамаи агротуризмаи гIулакхаш доаржадарах, вIаши цу наькъаш тIа бувзам лелабарах.

Юртбоахама министра гIонча вола Къоастой Ахьмади, иштта, кхыбола хьакимаши бар вIашагIкхетаре. Курленко Дениса белгалдир, Белорусе ГIалгIай мехкаца массе хана бувзам лелабаьлга. Фурсов Олега цун баркал оалаш хьоахадир, кастта республике хила дезаш тайп-тайпара вIашагIкхетараш долга. ЦIай долча дийнахьа шуга хьежаргда тхо, хозахетаргда шо даьхкача аьнна чIоагIдир. «Кхетачен керттера бахьан — вайна юкъера социально-экономически хьал тоадар. Тха довза безамбарех да туризмеи, культура оагIонца дувзаденнарашеи. Белоруссера удобренеш, техника йовза лаьрхIа да тхо», — аьлар Фурсов Олега.

Иштта, цо белгалдир, вай республика къона яле а, истори дIаьхий долаш йолга. ХIара денна тоадеш латт юртбоахама гIулакхаш, промышленность. Белоруссера техника массе ханашка дикагIчарех лоархIаш хиннай, цунга хьежжа массане бIарг тIаотташ я. Фурсов Олега тIатехар, Белоруссе ГIалгIай мехкара дулхи, шурийцара даараши лоаттадеш хилча дика хургда аьнна. ГIалгIайчера кхача бохкаш тикаш, цига хьаеллара гIулакх а керте лаца деза аьлар. Кагирхой политикахи, спортахи, дешарахи дараш дийцар шин оагIоно. Кхетаче йисте йоалаш Курленко Денисеи, Фурсов Олегеи вIаши бувзам лелабергбола Протокол кулг яздеш чIоагIъйир. ДIай-хьай делар, барт-безам чIоагIбеш совгIаташ.