Skip to main content

Самарера сийленна оагIув

ГIалгIай республика Кулгалхочо Келматанаькъан Махьмуд-Iаьлас дакъа лаьцар, Самаре, чекистий дагалоаттама мемориал хьаделлаш

Укх деношка, паччахьалкхен кхерамзлен органий Ди дар, наджганцIей бетта ткъоалагIча денна, хIара шера из ди дезду. Иштта цу денна хетадаь, Самаре, лерхIамца хьадийллар, Даьхен Турпалхой сийна, керда дагалоаттама улг. Самарски областа, кхерамзлен Федеральни служба Урхален гIишлон хьалхашка, мраморни улга тIа тайп-тайпарча ханашка болх баьча чекистий цIераш го йиш я.

Уж ба, Советски Союза Турпалхой Лезин Вениамин Павлович, Лев Маневич Ефимович — цIихеза Сийлахь-даймехка тIом лаьттача шерашка разведчикаш хинна, иштта Россе турпалхо Келматанаькъан Макшарипа воI, Iалихан, 2007- ча шера, зуламхой кулгах венна.

Ший са ца кходеш эггара чIоалханеча моттигашка кхоачар, вай мехкахо, Келматанаькъан Iалихан.

Къулбаседа-Кавказа терроризмаца къовсам лоаттабара, ФСБ центральни аппарата конституце оагIув лорабара йолча, Урхален болхлочун Келматанаькъан Iалихана тIеххьара командировка яр из.

2007-ча шера, моажола бетта вурийттлагIча дийнахьа, из чувагIача машена, «Кавказ» оалача федеральни наькъа тIа герз дийттар.

Чекиста пхийттаза герз кхийттадар, хIаьта тIехьагIа, цун машена чура корадир 130 тайп-тайпарча боараме пхорч.

Даьхен Кхо Турпал — уж я цIаккха а йицъергйоаца исторе кхо оагIув, тIехьенгара — тIехьенга кхоачаш яхаргья цар цIераш.

Кхаь турпалхочунна сийна хьаделлаш дола, дагалоаттама улг хьаделла бокъо елар ГIалгIай Республика Кулгалхочунна — Келматанаькъан Iалихана вешийна, Келматанаькъан Махьмуд-Iаьла.

Цу лерхIамеча моттиге дакъалоацаш хилар: Самарски областа губернатор Азаров Дмитрий, Самарски областе гIолла йолча УФСБ кулгалхо Акулинин Андрей, РФ Паччахьалкхен Дума депутат Хинштейн Александр, ветеранаш, тахан балха тIа бола паччахьалкхен кхерамзлен органи болхлой.