Skip to main content

ГIалгIайче бахархошта хьалхадаьккхар, хьу тедаш хиларах, бехктокхаме оттавергволга

ГIалгIай Республике гIолла йолча МВД, бахархошта хьалхадаьккхар, хьу тедаш хилар бехктокхаме озаш дола зулам долга, аьнна, хоам бир «Сердало» газетага, республика бокъонаш лораяра болча боахама пресс-служба.

Региона бахархошта хьалдаьккхар, экологически оагIорахьара хьал тоадара, хьу лораеш хилар чIоагIа лоархIаме долга, наьха вахаре а дика хьалаш хилийтара эшаш да из аьнна, белгалдир.

ГIалгIай Республика полице, ца хаддаш, из болх дIахьо, хьуна боахаме зулам дергдоацаш. Иштта, региона МВД болхлоша, республика Iалама Министерстваца цхьана, хьуна доазон тIа рейдаш ю.

Говзанчаша оттабеча маьхага хьежача, министерстваш а кхыйолча хьуна боахама службаш а лораяь ца Iеш, бахача наха а хьу лораеш хила еза, шоай хьамсарча мехкара, ГIалгIайчен, хьу лораяр, керттера декхар хилар дагалоаттаде деза массаза а.