Skip to main content

ГIалгIайче бе лелаеш йола граната гучаяларах Назрана яхархочунна кхелъергъя

Бе лелаеш йола эккхаш йола граната лелаярах ГIалгIайче кхелъергъя Назрана яхархочунна, аьлар «Сердало» газетага ГIалгIай Республика Прокуратура пресс-служба.

«ГIалгIай Республика Пркуратура чIоагIдаьд бехк беш дола уголовни гIулакх моттигерча яхархочунна духьала, цо эккхаш йола граната лелаяь хилар бахьан долаш», — аьлар региона тIахьожама боахаме.

Лоткъамхоша яхачох, цу кхалсаго, РФ долаш дола законаш телха а деш, ше яхаш йолча моттиге Назранерча Садови урамах бе лелаеш йола эккхаш йола граната лелаяьй.

Россе УФСБ болхлоша оперативни-розыска болх дIахьоча хана 2022 шера ялхлагIча апреле из граната гуча а яьнна цунгара хьаяьккхар.

Судо лаьрхIар из чуйолла, хIаьта уголовни гIулакх дIадахьийтар ГIалгIай Республика Магассерча районни суде дIахо тахкара.