Skip to main content

ГIалгIайче «бIараш гулде» болабеннаб

Вай боккхийча наха яхача тайпара цхьа-ши кIира хьалхагIа кхаьчад, карарча шера, бочабIар ГIалгIайче.

Из хила тарлу, карарча шера, ахка дIайха дена хилара бахьан долаш.

Дукхача хана денз хьадоагIа бочабIарий гаьнаша, доалахьарча боахаме керттера моттиг дIалоацаш. Цул совгIа, Къилбаседа-Кавказа даькъа тIарча ишколашка, берий бешамашка, аллеяшка, гонахьара доазув баьццара дерзадеча моттигашка уж доацаш хилац.

БочабIар, чIоагIа, шийх пайда боалаш да, даара юкъе доккха дакъа дIалоацаш а да. Россе моллагIа йолча базарашка цун мах даима лакха ба, цул совгIа, уж кхедар пайда луш а да.

Укх деношка ГIалгIайче бочабIараш гулде болабеннаб доалахьарча а, ахархой-фермай боахамашка а, бIарий бешамашка а.

Таханарча денга кхоачаш, вай регионе гIолла итташ гектараш дIалаьца дагIа бочабIараш.

Говзанчаша оттабеча маьхага ладийгIача гуш да, вай республике цхьан шера 150 тонн бIараш хулилга, наьха доалахьара дараш а доацаш.