ГIалгIайчен бахархошка даьча хаттараша хьагойтар 95%, машен эцаш, маткапитал оала ахча, дIадахийта раьза хилар. Традицех дIахьош бола, нахага хаттараш деш бола болх дIабихьар, «100 сага» юкъе «Сердало» газета, карарча шера, аьтинга бетта.
Дукха ха йоацаш, мехка СМИ беча хоамах, АвтоВАЗ кулгалхочо Соколов Максима хьалхадаьккхар, вай мехка хьаеш йола хьалхара автомобиль эцаш, матерински капитал оалаш дола ахча дIадахийта мегаргдар аьнна.
Белгалдаккха дезаш да, хIара шера белгалдеш да, матерински капитал оала ахча малагIча гIулакха дIадохийтаргдар, дезалла дикагIа цунах пайда хургболаш.
Эксперташа яхачох, ГIалгIайче кхы башха транспорт ца хилар ларде а лоацаш, матерински капитал оала ахча, дезала юкъе транспорт эцаш, дIадахийтача дикагIа пайда хургбар, аьнна.
Цул совгIа, РФ кхыйолча регионашта а из дика гIулакх да. Цу тайпара хаттар кхоачашдаро таро хулийтаргья, цхьацца болчча дезале хьалхашка отташ дола декхараш кхоачашде, хIанзарча хана, ца хилча даргдоацар а да ший коа тIа машен хилар.
