Skip to main content

ГIалгIайче дIайодаш я Ерригача Россера перепись

Мехка дIахьош латт Ерригача Россера перепись. Цо хьахьокхаргда экономически а социальни а хьал.

Наьха вахара гIулакх, меттай хьал, малагIа кхоачамбоацараш латт дезалашта хьалхашка, мелла адам дах вай мехка — из деррига гургда переписе гIолла.

Ма даггара дIабодаш ба из болх, МагIалбике чуйоагIача ерригача юрташка. Района администраце хоам бу, Госуслуга яхача портале гIолла переписе дакъа лаца йиш йолаш ва моллагIа саг.

Ший телефона тIа хьатIадоагIа QR-коди, цIен хIара сага хьатIадоагIа цифровой коди дIахьокха деза саго перепись еш лелачарга.

Росстате базера болх, аттачахьа боаккхаргба цу гIулакхо.