Skip to main content

ГIалгIайче хьалхара заседани дIайихьар, «Наша Победа» оргкомитето

Магасе «Единая Россия» парте отделене секретара, ГIалгIай Республика Парламента председатела ТIумхой Мухьмада кулгалдеш, «Наша Победа» оргкомитета хьалхара заседани дIайихьар, аьнна хоам бир «Сердало» газетага, республика Халкъа Гуллама пресс-служба.

Организаце комитете партийцашца цхьана, болх беш ба: дешара Министерства, региона кагийбарий Комитета, «Ветераний Россе союза» региональни отделене, Росгварде Урхален, ГIалгIай Республике гIолла йолча МВД, «Волонтеры Победы» болама викалаш.

Цу кхетаче, «Диктант Победы» Ерригроссе акци, республике гIолла дIаяхьарца дувзаденнача хаттарашка хьежар. Из хургья 2022-ча шера, моажола бетта кхоалагIча дийнахьа, ГIалгIайчен ах — бIаь доазон майдан тIа.

Диктант дIаяхьара, керттера, белгалъяь моттигаш я: «Башня Согласия» музей, ГIалгIайчен паччахьалкхен университет, Лоаман кадетий корпус, «Памяти и славы» МагIалбика Мемориальни комплекс.

Шоай гулбалара, къамаьла мах хоадабеш ТIумхой Мухьмада белгалдир, массане а цхьана лакхача боарам тIа из мероприяти дIаяхьа езаш хилар а, цу юкъе, ма хулла, дукхагIа нах а, иштта кагийбараш а юкъебоалабе безаш хилар а.

«Наша Победа» Оргкомитета, «Единая Россия» хьалхашка оттаду, партийни оагIонаш вIашагIтохар а, иштта Сийлахь-Даймехка тIема турпалхой исторе оагIонаш дагалоаттаяр а, ветеранашта эшаш дола новкъостал лоаттадар а, моллагIа йола исторе оагIув хувцара духьала къовсам лоаттабар а — шоай керттера декхар хилар.