Skip to main content

ГIалгIайче хьоара, туха мах лохбеннаб

ГIалгIай Республикан 2023 шера тушола бетта массадолча товарий а дечса г1улакхий а маьхаш саькура беттаца нийсдича 100,37 процент хиннад. Кхачан мах тIакхийттаб 0,6 процент, кхачан доацача товарий мах лакхбеннаб 0,2 процент. Наьха хьашташ кхоачашдара беш болча балха мах лакхбеннаб 0,3 процент, аьлар Къилбаседа Кавказстата.

Карарча шера тушола бетта, дIадахача 2022 шера оагIой (декабрь) беттаца нийсдича, хIамашта маьхаш тIакхийттад 101,3 процент.

Цу тайпара хьокхамаш иштта да: кхачан продукци — 102,3%; кхачан доацараш-100,4%; гIулакх дара — 100,2%", — йоах статистика болхлоша хьабайтача хоамо.

2023 шера тушола бетта кхачан товар маьха дездалар дукхагIча даькъе екъача хьадж йоагIача спецешта мах тIакхетар бахьан долаш хилар (1,0%), консерваш, томаташ (0,4%), кIопилга чу йоахкаш йола супаш (1,0%), кIолдах яь шоколад тIаяхийта нахчилгаш (1,1%).

Цунца цхьана маьха чухьнахьа хилар ах кIур теха бокъабаь; кхехкабаь, кIур теха бокъабаь марш — 0,5%; дузиргаш, сарделькаш — 0,4%.

Дикка мах лакхбеннаб коартола — 5,4%, кердача помидорий — 10,3%.

Маьхаш тIакхийттад шурах даьча берий декъача даара — 1,0%, чIоагIача, ах чIоагIача, кIаьдача нахчашта — 0,9%; зефира, айранна — 0,6%.

Дулха кхачанна иштта маьхаш тIакхийттад: хингалашта, манташта, итален хингалашта (равиола) (1,5%); котама гIогIаш (1,8%), дулха консерваш (0,6%), эггара наха дукхагIа дIаийдеш дола москала дулх ГIалгIайче маьха дезагIа хиннад (0,5%).

Иштта чкъаьранна а мах тIакхийттаб. Лосось оалача чкъаьран Iов маьха езъеннай 0,3%, тIехк йоаца чкъаьра — 0,4%, лосось оала гIорабаь чкъаьра — 0,8%, башабелла сельд оала чкъаьра — 0,6%.

Маьхаш лохденнад наха массаза ийдеш долча хьоара — 1,2%, туха — 2,2%.

Наха эцаш долча дуача хIамай мах ГIалгIайче гIолла цхьан бетта 5775,88 сом хиннаб, дIабахача бетта хинначунга хьежача из 0,2% лакхбеннаб.