Skip to main content

ГIалгIайче, Магасерча ДОУ тхов тоабеш болх дIахьоргба

ГIалгIайче, Магасерча деша даха ха йоацача берий гIишлон тхов тIа, ремонтни болх дIабахьа лерхI, Магас- пхье прокуратура проверка яьчул тIехьагIа, тховнах хий чуухаш хилар гучадаьннад аьнна, Интернете гIолла хоам хиларах аьлар «Сердало» газетага, региона тIахьожама боахаме.

Хоам бу, тIахьожама болх дIахьоча юкъа, гучадаьлар укхазара кхоачамбоацараш. Санитарно-эпидемиологически, цIи ялара хьалаш, кхерамзлено дIадеххача бесса ца хилар. Цул совгIа, кхыча кхоачамбоацарашта нийсса латташ да, тховнах хий чуухаш хилар хьал а.

«Закон телхадеш, лакхехьа белгалдаьча кхоачамбоацараша хьагойт, цIи ялара кхерамзлен Iалашо яра а, иштта санитарно-технически а хьал дика хилийтара йола, мероприятеш укхаза хиннайоацилга», — аьлар хоамо.

Магас -пхье прокуратура, Магасерча районни суде исковой заявлени дIаяхьийтай, республика дешареи Iилманеи министерствагара нийсденна кхоачамбоацараш юстардахара лаьрхIа, ахча хьожаде аьнна. Магас-пхье прокурора, из исковой оала дIадехар, ма-дарра, кхоачашдир.