ГIалгIайчен МагIалбика муниципальни района чуйоагIача, цхьацца йолча юрташка тахкар, мах беш йолча моттигашкара маьхий хьал а санитарни хьалаш а миштад. Цу гIулакха бехктокхаме болча боахамий, балхарча тоабаша дIайихьача мероприятешка ховш хилар: Инаркъерча, Дола-Коарча, СоагIапчарча мах бара объекташка санитарни хьал лорадар а, иштта маьхаш тIа ца тохаш мах бар а гIулакх мишта латт.
Цул совгIа, тIахьожама болх дIахьош, йохкаш йолча продуктий дикалга а хьажар, социальни лоархIамеча хIамашта мах тIатехабий а хьажар, иштта тахкар, мах бара йола бокъо луш каьхаташ дий а. ДIахо теркам тIабахийтар, болхлошта юкъера мах бара каьхаташ малагIча боараме да, санитарни хьалаш лорадара деш дар фуд хара.
«Социальни группа говзанчаша белгалду, дукхагIа болча предпринимателаша паччахьалкхен регистраци яь хилар, из чIоагIдеш дола каьхаташ долаш долга. Иштта дале а, укхаза белгалдаьлар, каьхаташ бокъоно дIадеххача бесса ца хилар а, цу тIа къахьегама барт баь хилар дош, дIачIоагIдаь доацилга а.
Уж мо дола кхоачамбоацараш юстардахара, мах беш долча даькъа тIа массаза санитарни хьалаш лорадеш, лостам хилара лаьрхIа къамаьл дир. Работадателашта йоагIаш йола акташ оттайир, кхоачамбоацараш лоаццача хана юстара дахара йола ха а къоастайир», — аьлар «Сердало» газетага, даькъа тIарча администраце пресс-служба.
