Skip to main content

ГIалгIайче, марихуана йохкаш хиннача, СоагIапча вахача сага ийс шу ха техай

ГIалгIайчен, МагIалбика-шахьара судо кхел йир уголовни гIулакхах, хьалхагIа лаьца ваьллача СоагIапча вахача сага, цо бокъонах доацаш, дукха наркотикаш йохкаш хиларах аьнна, хоам бир «Сердало» газетага, ГIалгIай Республика Прокуратуре.

Судо тахкар, цу саго 2020-ча шера бIаьсти, СоагIапча, оперативно-тохкама мероприяти дIахьоча хана, «белгалваьча эцархочунга» 16 эзар сомах, 70 грамм хиллала, марихуана ехка хилар.

Хоам бу, из деррига чу а лоацаш, цо кхоабаш, таханарча денна, ши дезалхо хилар а теркаме эцаш, цу сага наркотикаш лелаярах ийс шу набахтен ха техар. Из ийс шу цо йоаккхаргья, чIоагIача тIахьожама набахтен колоне.