Skip to main content

ГIалгIайче, мархашта хетаяь, берий футбольни турнир дIайихьар

Назрань — шахьара ишкола-лицей стадион харжар, футболах йола яхьаш дIаяхьара. Цига ахчанца новкъостал даьр яр «Чингиз» спортклуб.

Рамадан бетта хетаяьча, минифутбола турнире дакъалоацаш республика тайп-тайпарча миIингишкара бархI команда яр. Цу юкъе бар 2010,2011,2012 — шерашка баьраш.

Турнира котбалархой хилар «Школа Бакаевых 2» футбола клуба ловзархой, «Ангушт Назрань» командаца ловзаш юххерча матче уж котбаьлар 1:0 йолаш. КхоалагIа моттиг дIалаьцар, МагIалбика «Ангушт Малгобек» командера къонача ловзархоша.

Котбаьннарашта совгIаташ луш дакъалаьцар — спорта министра Дошхьакълой Iаьлас, цун гIонча Мошхой Мухьмада.

Котбаьннарашта а совгIаташ даьхарашта а, майдилгаш а дипломаш а делар.

Иштта, берригача доакъашхошта, совгIаташ а делар.