Skip to main content

ГIалгIайче шизофрения оала лазар дола саг, низагIа дарба де хьожавергва вай дарбанче

Шизофрения оала лазар дола моттигера вахархо, судо тIахьехаш ва лорий дарба данза варгвоацаш из хилар бахьан долаш, из низагIа дарба де дезача а оттавеш, аьлар «Сердало» газетага ГIалгIай Республика Прокуратура пресс-службе.

«Шолжа района прокуратуро чIоагIду, низагIа дарба де саг дIахьожавеш дола, уголовни гIулакх хьадийла хилар 39 шу даьннача моттигерча вахархочунна духьала, цо кхыча сага унахцIено йоаяь хиларах»,  —  аьнна белгалдир, тIахьожама боахаме.

Лоткъамхоша тахкар, карарча шера, тушола бетта, шизофрения оала лазар долаш, ше леладечунна мах оттабе ца ховш волча саго, Галашке, юрта йистте, шийна вовзаш волча сагаца дов даларах, цунна юхь тIа урс техад. Цу тайпара, юкъерча боарам лоархIаш йола, унахцIено йоаяьй цо цу сага. Из хьа а лоацаш дIабихьача тохкама балха гучадаьлар, керта дика могаш из ца хилар.

Района прокурора, Шолжерча районни суде, низагIа цунна дарба дергдола гIулакх дIадахьийтад.