Skip to main content

ГIалгIайче вIашагIйоллаш я ший цIи йола рота, лаьрххIа йола операци дIаяхьара

МагIалбика района бахархой вIашагIкхийттача дувц, ГIалгIайчен ший цIи йола рота вIашагIйоллаш хиларах, Донбасса бахархой къалхарбахара йолча, лаьрххIача операце дакъа лацара.

Цох бола хоам дIакхайкабу бахархошка: ГIалгIайчен Халкъа Гуллама депутаташ Совтанаькъан ХIарона, Чуранаькъан Мустафас, Дарсиганаькъан Мухьмада, ГIалгIайчен Кулгалхочун администраце кулгалхочун гIонча Мархенаькъан Анзора, тIема комиссариата викала ГIоандалой Микаьила, иштта муниципальни даькъа тIарча кулгалхоша.

«Лоаццача контрактах тIема Iамал дара хьаэцар (цхьан беттагара-ялх беттага кхаччалца да, хIаьта йIаьха контракт — 3,5 шу) цу юкъе йоагIа дукха социальни льготаш.

Цкъадале цига «цхьа шу кхаь шера нийсса» нагахьа санна лаьрххIа йолча операце дакъалоацаш хилча, тIема ипотека а я цу юкъе, цул совгIа, служба дIахьош 12,5 шу даьккхарашта пенси доагIа, тIем тIа хилара ветеран а хул, страховой дукха ахча а эцаргда. Деррига а вIашагIтехача 300 эзар сом хургда из. Из доацаш а, ГIалгIай роте дIаязвеннача хIара контрактника, региона Iаьдало, 100 эзар сом хьалу кулгкара», — аьлар «Сердало» газетага, МагIалбика района администраце, пресс-служба.