Skip to main content

ГIалгIайчен бахархоша еш, цIихезача поэта, Янданаькъан Джемалдина произведенеш

ГIалгIай хьалхарча, цIихезача поэта 105 шу дизара хетаяь флэшмоб кхайкаяьй Къаман библиотека. ХIара сага торо я, видеоролике гIолла, поэта байт еша. Вай къаман наха, хозахеташ, хьаллаьцар из флешмоб.

Тайп-тайпарча ханага кхаьчача бахархоша, дог-гIозалца, гойт воккхача поэта мах баь варгвоаца кхоллам. Ший хьалхара байташ, 1934 шера Буро тIарча, индустриальни техникума студент волаш язъйир поэта.

Цига деша вагIаш эттар Литературни институте а. ХIаьта, 1939 шера, Янданаькъан Джемалдина болх гIорбаьнна бодаш бар. «Ленина никъ» яхача газета корреспондент хул цох, къахьег таржамхо волаш.

Цун хьинарца гIалгIай меттала яьлар: Лермонтова, Пушкина, Горьке, Маяковске, Хетагурова, Маршака — произведенеш.

1938 шера денза, къам ший мехках даллалца, Нохч-ГIалгIай йоазонхой Союза хьалхле лелаеш хул поэт. ТIема шерашка цо болх бу радиокомитете, Чечинггосиздата заведующи волаш а дикка къахьег.