Skip to main content

ГIалгIайчен, бIаьшерашкарча Аьрзи яхача гIишлон комплексе, бийсанара сердал яьй

Аьрзи (Орел)-ГIалгIайчен йоккхагIа йола цIихеза гIишло, бийсанна, ше маярра, сердалонца хозаллуш гургья.

Керда шу хьатIадоагIаш, республика туризма комитета, цига сердало лургьйола болх вIашагIбеллар.

ГIалгIайчен, ДжIайрахьа чIоже латташ йола, тIема а вахара а бIашеренна гIишлош, дIадахача бIаьшерашка гIишлонхоша баьча тамашийнача балха масал хинна дIаэттай.

ХьатIадоагIача шера, цу хозача проекта викалаша лаьрхIад, туристаша терко тIайохийташ йола ГIалгIайчен лоамий гIалаш массанахьа сердал луш хургйолаш бола болх дIабахьа.

Укх наькъа, из проект маьхалъяккха гIо дир гIалгIай республика ДжIайрахьарча администраце а, иштта ДжIайрахьа-Ассиновская музея-заповедника кулгалхоша а.

Цхьан хана, ХIХ бIаьшере, Аьрзи яхача гIалай комплексе геза аьрзи кеп корайир, Iарбий-халифате VIII бIаьшере яь.

ГIалгIайчен къаман белгало я из, цо хьагойт гIалгIай къаман, бIаьшерашка денз хьадоагIаш дола штандарт хилар.

Карарча хана, штандарт Эрмитаже улл, цхьабакъда, массехк шу хьалха Сулейма аьрзе кепа ло (копия) баьбар. (Иштта оал цунах къаьнарча говзанча дитача махьарах). Цунна кеп ГIалгIайчен паччахьалкхен мохктохкама музее дIаенний.