Skip to main content

ГIалгIайчен даькъа тIара дарбанчеш дукхагIа хургья

ТIой-Юрта хьалъе йолаяьй диазза вIаштIараяь больница, из лаьрхIа я 60 моттига а, цхьан сменах 100 саг тIаэцара а. ГIишло хьалъеш латт, кхо шу хьалха, кхы пайдана яц аьнна белгалъяь, къаьнара гIишло хиннача даькъа тIа.

Из гIишло хьалъяьяр 60 шу хьалха, лаьрххIача тIахьожама комиссе, 2018-ча шера, из дIаяккха езаш я аьнна лаьрхIадар.

Тахан болхлой кIийле кийчъе болабеннаб кердача гIишлонна. Деррига балхаш кхоачашдер я, «Маяк» ООО подрядни организаци, гIишлон тIахьожам беш я «УКС РИ» ГУП.

УнахцIенонна цу тайпара гIишло чIоагIа эшаш яр, эксперташа яхачох, тахан йолаш йолча даькъа тIарча больница ТIой-Юрта бахархошта лорий хьалаш лоаттаду.

Долакха-Юрта, ГIайрбик-Юрта, беррига нах хьаийцача, 30 эзар совгIа саг ва. Уж дукха ба хIанз долча хьалашка диллача, хIана аьлча, нах дукха латт больнице, цул совгIа, Iобийша дарба де дезараш а нийслу.

Кердача больнице эшаш мел дола хьалаш хургда дарба дара а, кердача гIирсашца унахцIено меттаоттаяра а.