Skip to main content

ГIалгIайчен энергетикаша, 63 млн сома маьха, лочкъаяь хинна киловат юхаений

ДIацалоархIаш йисса, 2022 шера хьалхарча ах шера, 199 электроэнерги йоагаяь моттиг гучаяьлар «Россети Къилбаседа-Кавказа».

ЛерттIа мероприятеш дIаяхьарца, «Ингушэнерго» филиала говзанчаша 9,5млн лочкъаяь хинна киловат-сахьат юхадера. Из нийсде йиш йолаш да, республика йоккхача водозабора ийс бетта йоагаяьча электроэнергеца. Ахчанца нийсдича региона хинна зе да, 62,6 млн сом.

ТIеххьарча цифрага хьежача юртага кхоачар да 11%-977 эзар кВт. 2,3 млн сома; 89%-8,3млн кВт. Ч(60,3 млн сом) — из да юридически сага кхоачар.

Регионе совдоалаш да: тока энергех шоай аьрсаьргаш «дIатовсар», учете латташ йола прибораш телхаяр, технологе оагIорахьа электроэнерги дIахоттар, шоашкара, дийца Iаьдалца хIама а доацаш, къайлагIа свет чуйилларца электроэнерги йоагаеш хилар.

«Ингушэнерго» филиала болхлоша, цу хIара моттигах, дIацалоархIаш йисса энерги юкъе а йоалаеш акташ увттаю.

Юридически наха доагадаьча сахьатах боагIача маьхах дIалоархI из.

Физически наха-итта боарама маьха. Цул совгIа, бокъонаш телхаяьраша гIод токх, законах доаггIача тайпара. Цу тайпара дIабала беза мах хул иттаза а, цхьайолча хана, бIаьзза а дукхагIа.

«Энерги лочкъаеш хилар-энергоресурсай боарам лаьгIбеш хилара керттера бахьан да, цудухьа цунна дикал а лоха юс. Цу даькъа тIа тIахьожам лоаттабара дIахьош йола мероприятеш чIоагIъе лаьрхIад оаха. Карарча хана, дIацалоарIхаш йита электроэнерги, дIалоархIаш йола рейдаш дIахьоргья хIара юрта. Болхлой декхарийла хургба: электроэнерги йоагаяра нийсхо лелайой хьажа, счетчикашка, уж нийса йий хьажа, цабоагIаш дIатесса аьрсаьрг бий хьажа, свет хьачутассара болх нийса баьбий хьажа, къайлагIа «дIатесса» аьрсаьрг бий хьажа.

Электроэнерге бокъонаш телхаерашта ха деза, шоай ханнахьа, йоаяьча электроэнергех бола мах, Iаьдала дIабала безалга, тIаккха мара лерттIа сердал а энерги а хургйоацилга», — аьлар, «Ингушэнерго» филиала кулгалхочун декхараш кхоачашдеш волча, ТIоаршхой Рамзана.