Skip to main content

ГIалгIайчен Госавтоинспектораша, йIайхача хана машенашца леларашта, уж шорттига хилар хьалхадоаккх

ГIалгIай Республике гIолла йолча Госавтоинспекце, йIайхача хана наькъа лелаш шорттига хилар дех, машенашца лелача нахага. Ара геттара йIайха йолча хана, из чIоагIа Iаткъаш хул водителашта. ДукхагIчар цу хаоттамах давлени айлуш йола моттигаш а я. Из бахьан долаш, наькъа хьовзам хила а тарлу.

ГIалгIай Республике гIолла йолча Госавтоинспекце, машенашца лелача нахага дехар ду, наькъа тIа уж шорттигагIа леларгболаш, цул совгIа, «хьалхадоаккх» геттара йIайхача хана уж ца лелар.

ДукхагIа болча водителаша уйла яц цу моча йIайхача хана, шоашта наькъа хьовзам хургбий-хьогI, аьнна. Температура лакха хилча, сага сакхетам кIезига юхабала а тарлуш хул, цудухьа наькъа водаш лоравала веза.

Машенашка массехк хи шуша хила еза, иштта новкъа яц шоашца молхаш лелайича а. Нагахьа санна, саца везаш хуле, машен шорттига лаьгIъе еза, хIана аьлча, бIайхача асфальта тIа машен дIахо йодаш а нийслу.

Шоаш цхьаннахьа совцаш хилча, Iи дола моттиг лаха, цу моттига малх тIакхоачаш хургбоацаш. Машен сиха ма лехка, шин машена юкъера моттиг лорае. КIеззига шоашта дика ца хетар хоалой, машен соца а йий Iовала. Сеца лаьттачул тIехьагIа машена чу мух а кхетийта, цул тIехьагIа мара, дIа ма волале.

Машена чу бераш ма дита, кораш дийлла а, е кондиционер йоагаш а ма хилийта. Машен цIаьхха дIаяйна моттиг хуле, бера цунах доккха зулам даргда. Цул совгIа, гаьна наькъа ваха везаш хилча, аттагIа йола ха харжа еза.