Кагирхой гIулакхашта йолча Комитета кулгалхо Минеральные Воды яхача шахьаре дIахьош йолча Кавказа инвестицей гойтаме хилар, йоах «Сердало» газетага ГIалгIай Республикан кагирхой гIулакха йолча Комитета кепайоазон болхлоша.
«Кхетаче дIахьош Малсаганаькъан Адама таро хилар цу семинара массе тайпа балха юкъе дакъа лоацаш хила. Цига экономика дегIайоалаярах дийца а ца Iеш, туризмах, промышленностах дийцар, иштта кагирхой хьалах лаьца цхьаццадола хаттараш а айдир. Вай республикан викало «Сбербанк» ПАО кхетаче йолаш дийцар, «ТIаргим-2023» Ерригроссе гуллам болаш новкъостал дарах. ГIалгIайчен кагирхой гIулакха йолча Комитето мел оттадаьча хаттарашта говзанчаш а иштта Кавказа кхыча моттигашкара викалаш а раьза хилар.
«Из гойтам бахьан долаш, вай таро я Къилбаседа Кавказа Федеральни доазон тIарча регионашца бувзам лелабе, ший аргIагIа цо таро хулийт вай республикан деррига боахамаш дегIадоаладе. Вайна керттердар да кагирхоша социальни, коммерчески, кхоллама программаш кхоачашъяр», — аьлар ГIалгIай Республикан кагирхой гIулакхашта йолча Комитета кулгалхочо Малсаганаькъан Адама.
